ગીત ગોવિંદ — દશાવતાર સ્તોત્ર (જયદેવ)

મૂળ પાઠ

प्रलयपयोधिजले धृतवानसि वेदम् ।
विहितवहित्रचरित्रमखेदम् ॥
केशव धृतमीनशरीर जय जगदीश हरे ॥ १ ॥

क्षितिरतिविपुलतरे तव तिष्ठति पृष्ठे ।
धरणिधरणकिणचक्रगरिष्ठे ॥
केशव धृतकच्छपरूप जय जगदीश हरे ॥ २ ॥

वसति दशनशिखरे धरणी तव लग्ना ।
शशिनि कलङ्ककलेव निमग्ना ॥
केशव धृतसूकररूप जय जगदीश हरे ॥ ३ ॥

तव करकमलवरे नखमद्भुतशृङ्गम् ।
दलितहिरण्यकशिपुतनुभृङ्गम् ॥
केशव धृतनरहरिरूप जय जगदीश हरे ॥ ४ ॥

छलयसि विक्रमणे बलिमद्भुतवामन ।
पदनखनीरजनितजनपावन ॥
केशव धृतवामनरूप जय जगदीश हरे ॥ ५ ॥

क्षत्रियरुधिरमये जगदपगतपापम् ।
स्नपयसि पयसि शमितभवतापम् ॥
केशव धृतभृगुपतिरूप जय जगदीश हरे ॥ ६ ॥

वितरसि दिक्षु रणे दिक्पतिकमनीयम् ।
दशमुखमौलिबलिं रमणीयम् ॥
केशव धृतरामशरीर जय जगदीश हरे ॥ ७ ॥

वहसि वपुषि विशदे वसनं जलदाभम् ।
हलहतिभीतिमिलितयमुनाभम् ॥
केशव धृतहलधररूप जय जगदीश हरे ॥ ८ ॥

निन्दसि यज्ञविधेरहह श्रुतिजातम् ।
सदयहृदयदर्शितपशुघातम् ॥
केशव धृतबुद्धशरीर जय जगदीश हरे ॥ ९ ॥

म्लेच्छनिवहनिधने कलयसि करवालम् ।
धूमकेतुमिव किमपि करालम् ॥
केशव धृतकल्किशरीर जय जगदीश हरे ॥ १० ॥

श्रीजयदेवकवेरिदमुदितमुदारम् ।
शृणु सुखदं शुभदं भवसारम् ॥
केशव धृतदशविधरूप जय जगदीश हरे ॥ ११ ॥

રચયિતા: Jayadeva (12th century), Gita Govinda, canto 1, ashtapadi 1

આ શ્રેણીમાં વધુ – આરતી, ભજન અને સ્તુતિ

• કૃષ્ણં વંદે જગદ્ગુરુમ્
• વૈષ્ણવ જન તો તેને કહીએ
• શ્રી કૃષ્ણ ગોવિંદ હરે મુરારી (ધૂન)
• હરે કૃષ્ણ કીર્તન
• ગોપાલા ગોપાલા દેવકીનંદન ગોપાલા (ધૂન)
• પાયોજી મૈંને રામ રતન ધન પાયો (મીરાંબાઈ)
• મેરે તો ગિરિધર ગોપાલ, દૂસરો ન કોઈ (મીરાંબાઈ)
• મૈયા મોરી મૈં નહીં માખન ખાયો (સૂરદાસ)

શ્રીકૃષ્ણ સંબંધિત સામગ્રી

• ભગવાન વિષ્ણુના દશાવતાર
• જયદેવ રચિત ગીતગોવિંદ